Speed Dating之後 之Dating…
前幾日與一個在Speed Dating(常在心Beingmyheart.com)認識的男生食飯。
其實那天在Speed Dating,他不是很突出,有些害羞,他介紹自己時,講自己做IT方面的工作,鍾意影相,同打機。老實講,我當時聽落就覺得他是typical的‘草食男’,興趣不大。幸好他的外表OK,戴眼鏡,短髪,身形偏瘦,高度OK,高過我約4-5寸,大家出街也不算太奇怪。
最初我們用whats app溝通,閒談:‘早晨!’‘食咗飯未?’‘今日忙D乜?’咁,Chat了一星期左右,他約我出來食飯,我見他都正正常常,OK 啦!出黎啦!
一出來時,他送了支玫瑰給我,我就表現得頗驚訝!心想:‘唔洗咁掛!’最大問題是一支玫瑰有點‘寒酸’,而且有一定長度,我唔知點收藏它,再想想人家一番心意,算啦!跟住他帶我去了一間西餐廳,怎麼知道人多要等位。其實呢位哥哥都已經book了位,但都要等,他一面尷尬,不停解釋,跟著相對無言。哎丫~好閒姐,這間Full了,去第二間也一樣吧,不過他說這間好,那等下law.
食飯期間,大家都有計傾(談天),不過,不知怎的,大家好似正做working appraisal,他不停講他公司的事,解釋工作困難,他又問我做那行業的事(我其實做空姐)。我印象中,他唯一問過我的其他問題是‘做空姐係咪可以成日去旅行?咁去過邊度?’跟住他又沒有追問…
這餐飯,食了兩個鐘,好似與他講了唔少東西,不過,有半個鐘的內容是我不明白的。關於IT的東西,其實我唔太認識,玩Facebook, line, whatsapp 已經是我的上限。
約會尾聲,他提議送我回家,我婉拒了他,叫他送我坐車就OK啦!過了一天,他再whatsapp給我,問我下星期有沒有空再食飯,我就答他我要飛啦,下次吧。其實這個男生人品不錯,但就與他click唔到,再進步發展好似很難!心想,今次Speed Dating又失败啦!
突然,有個自稱Roy的人whatsapp我,邊個Roy呀?說是上次Speed Dating識我的。Oh! 我記得上次的 常在心 那裡是最似我杯茶那位!! 他說剛出Trip回來,想約我食飯,心想:‘Hey! Darling, 我等你好久了!但你遲唔遲D丫!’ 不過我近來真的忙著,所以就請他遲點再約我,又看看他會否Keep著這種誠意,再approach我啦!!
沒有留言:
張貼留言